پرسیار : بۆچی خەوارج کافر نین ، فەرموودەکە ڕوون و ئاشکرایە دەفەرمووێت : (( یمرقون من الدین )) یان (( یمرقون من الإسلام )) ؟
وەڵام : زۆربەی زانایان بۆ ئەوە چوون کە خەوارج موسلمانن ، بەڵکو ھەندێک ئیجماع نقل دەکەن بەڵام ئیجماع ڕاست نییە .
ابن حجر عسقلانی ڕەحمەتی خوای لێ بێت دەفەرمووێت : (( ئەگەر مەبەست بە دین ئیسلام بێت ، ئەوە بەڵگەیە بۆ ئەوانەی خەوارج کافر دەکەن ، لەوانەیە مەبەست بە دین لێرە طاعة بێت ، ئەو کات نابێتە بەڵگە بڵێی کافرن ، ئەوان فاسقن ، ئەمە وتەی زۆربەی زانایانە . )) فتح الباری ج٦ لاپەڕە ٦١٨ .
ابن حجر عسقلانی ڕەحمەتی خوای لێ بێت دەفەرمووێت : (( زۆربەی ئەھلی أصول لە ئەھلی سونە بۆ ئەوە چوون خەوارج کافر نین ، حوکمی ئیسلام لەسەریان جێ بەجێ دەکرێت ، لەبەر وتنی وشەی شایەتوومان ، وە بەردەوام بوون لەسەر ڕوکنەکانی ئیسلام ، ئەوان فاسق بوون بەوەی موسلمانان کافر دەکەن ، پشت دەبەستن بە ھەندێک تأویلی خراپ ، ڕایان دەکێشێت بۆ حەڵاڵ کردنی خوێن و ماڵی ئەوانەی پێچەوانەیان دەکەن ، وە شایەتی بەسەر دان بۆ کوفر و شیرک .
خطابی دەفەرمووێت : ھەموو زانایانی موسلمانان یەک دەنگن لەسەر خەوارج لەگەڵ گومڕاییان کۆمەلێکە لە کۆمەڵەکانی موسلمانان ، ڕێگەیان داوە بۆ ژن ھێنان ، خواردنی سەربڕاوەیان ، ئەوان کافر نین مادەم دەست بە ئەصلیەکانی ئیسلامەوە دەگرن . .... )) فتح الباري ج١٢ لاپەڕە ٣٠٠ .
پرسیار کراوە لە عەلی خوا لێی ڕازی بێت سەبارەت بە خەوارجەکان : ئەوان کافرن ؟
ئیمام عەلی فەرمووی : ئەوان لە کوفر ڕادەکەن بۆ ئەوەی تووشی کوفر نەبن .
وتی : ئەوان دووڕوون ؟
ئیمام عەلی فەرمووی : دووڕوو زیکری خوا ناکەن ئیلا کەم نەبێت !!
واتە پێچەوانەی خەوارج زۆر عیبادەت و زیکری خوا دەکەن .
وتی : ئەی ئەوان کێن ؟
ئیمام عەلی فەرمووی : ئەوان قەومێکن تووشی فیتنە بوون و چاویان کوێر بووە و کەڕ بوون بۆ حەق ، حەق نابینن و نابیستن .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net