پرسیار // باوکم جیاوازی کردووە لەنێوان مناڵەكانی ، ھەندێك مالی داوە بە ھەندێک مناڵ ، وە ھەندێك مناڵی تریشی پشت گوێ خستووە ، ئێستا باوکم مردووە ، ئایا ئەو فەرق و جیاوازییەی کراوە بگەڕێندرێتەوە ناو میرات یان نە ؟
وەڵام // زانایان دەلێن باوک ئەگەر شتێک بدات بە ھەندێک مناڵ و جیاوازی لەنێوانیان بکات ، ئەوە دوای مردنی دەبێت ئەو مالە زیادەی جیاوازی لەنێوان مناڵەكانی كردووە بگەڕێندرێتەوە ناو میرات ، پاشان میراتەکە دابەش بکەن ، کە ئەمە وتەیەکە لە وتەکانی ئەحمەد و بوخاری و ابن تیمییە و زانایانی اللجنە الدائمە و ابن عثیمینە .
ابن تیمییە ڕەحمەتی خوای لێ بێت دەفەرمووێت : (( لەسەر وتەی ڕاستی زانایان ئەوەی شتێک دەدات تەنھا بە کچەکانی ، واجبە لەسەری ھێشتا لە ژیاندا ماوە و زیندووە بگەڕێنێتەوە ، ھەروەک پێغەمبەر درود و سەلامی خوای لێ بێت فەرمانی کردووە ، ئەگەر مرد و نەیگەڕاندەوە ، ئەوە دەبێت بگەڕێندرێتەوە لەسەر وتەی ڕاستی زانایان ، وەک گوێ ڕایەلی کردنی خوا و پێغەمبەر و شوێن کەوتنی ئەو دادپەروەرییەی فەرمانی پێکراوە ، وەک شوێن کەوتنی ئەبوبکر و عومەر خوا لێیان ڕازی بێت ، بۆ ئەو کەسە حەڵاڵ نییە ئەوەی پێ بەخشراوە ، بەڵکو دەبێت دابەشی بکات بەسەر خوشک و برایەکانی بەو دادپەروەرییەی کە خوای گەورە فەرمانی کردووە . )) " الفتاوى الكبرى " (4/184) .
ابن عثیمین ڕەحمەتی خوای لێ بێت دەفەرمووێت : (( وتەی ڕاست ئەگەر باوک مرد " واتە ئەو باوکەی جیاوازی لەنێوان مناڵەکانی کردووە " ، واجبە لەسەر ئەو مناڵەی شتی لەباوکی وەرگرتووە بگەڕێنێتەوە ناو میرات ، ئەگەر ئەو مناڵە ئەو مالە نەگەڕێنێتەوە ناو میرات ، ئەوە لە بەشی میراتەکەی دەبڕدرێت ئەگەر بەشی مابێت لە میرات ، ...... )) " الشرح الممتع " (11/85) .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net