پرسیار // ئایا دروستە تەوڕات و ئینجیل و کتابی تری ئەهلی کتاب بخوێنیتەوە ؟
وەلام // سەرەتا زانایان دەلێن باوەڕ هێنان بە هەموو کتابە ئاسمانییەکان واجبە ، تەورات و ئینجیل و کتابی تر کە بۆ پێغەمبەران دابەزیووە ، هەر کەسێک یەکێکیان بەدرۆ بخاتەوە هەروەک ئەوە وایە هەموویانی بە درۆ خستبێتەوە ، بەلام ئەو کتابانەی ئێستا لە ژێر دەستیان دایە دەستکاریان کردووە و گۆڕانکاریان بەسەردا هێناوە ، حەق و ناحەقیان تێکەڵ بە یەکتر کردووە .
فەرموودەی جابر دەلێت : عومەر خوا لێی ڕازی بێت هات بۆ لای پێغەمبەر سەلامی خوای لێ بێت کتابێکی ئەهلی کتابی لابوو ، تەوراتی لابوو دەیخوێندەوە ، پێغەمبەر توڕە بوو ، فەرمووی : (( .....والذی نفسی بیده لو ٲن موسی كان حیا ، ما وسعه ٳلا ٲن یتبعنی )) رواە ٲحمد (۱٤۷۳٦) ، حسنە الالبانی فی ٳرواء الغلیل . واته : بەو خوایەی کە نفسی منی بە دەستە ئەگەر موسی زیندوو بوایا شوێن ئەم قورئانە دەکەوت ئەمەی بۆ بەس بوو .
زانایان دەلێن خوێندنەوەی قورئان بەسە بۆ موسلمان و پێویست بە خوێندنەوی تەوڕات و ئینجییل ناکات کە دەستکاری کراون .
خوای گەورە دەفەرمووێت : (( ٲولم یكفهم ٲنا ٲنزلنا علیك الكتاب یتلی علیهم .... )) [ العنکبوت : ٥١ ] .
واتە : ئایا ئەوەیان بەس نییە کە ئێمە قورئانمان بۆ ناردوویت و بەسەریان دەخوێنیتەوە ....
ابن تەیمییە ڕەحمەتی خوای لێ بێت دەلێت : (( کاتێک قورئان باشترین قسە بێت ڕێگری لە ئێمە کراوە شوێن بێجگە لە قورئان بکەوین ، خوای گەورە دەفەرمووێت : (( ٲولم یکفهم ٲنا ٲنزلنا علیك الكتاب یتلی علیهم ...))
هەروەها پێغەمەر سەلامی خوای لێ بێت توڕە بووە کاتێک عومەری بینی تەوڕاتی پێ بوو دەیخوێندەوە ، ........هەندێک لە ئەنسارییەکان وتیان : ئەی عومەری تۆ سەیری ڕوخساری پێغەمبەری خوا ناکەیت ؟ عومەر وتی : رضیت بالله ربا و بالاسلام دینا و بمحمد نبیا .
لەبەر ئەمە هاوەلان رێگریان کردووە شوێن بێجگە لە قورئان بکەون ...)) مجموعە الفتاوی ج۱۷ لاپەڕە ٤۱ـــ٤۲
کەواتە دروست نییە کتابەکانی تر بیخوێنیتە چونکە :
(۱) پێغەمبەر سەلامی خوای لێ بێت توڕە بووە لە عومەر وتی : ئەگەر موسی زیندوو بوایا شوێن قورئان دەکەوت .
(۲) ئایەتی سورەت العنکبوت ئاماژەی بۆ ئەوە کردووە کە قورئان بەسە پێویست بە هیچی تر ناکات.
(۳) هەروەها خۆ خەریک کردن بە تەوڕات و ئینجیل سوودی ئەو تۆی نییە بۆ قیامەت ، واز لە خوێندنەوەی قورئان دێنی کە بۆ هەر پیتێک دە چاکە دەنوسرێت کەچی ئەوانی تر وانیین ، مەگەر یەکێک شارەزا بێت بخوێنێتەوە وەلامی گومانی جولەکە و گاورەکان بداتەوە .
خوێندنەوەی تەوڕات و ئینجیل بۆ وەلام دانەوەی گومانەکانیان :
(۱) ئەگەر کەسەکە شارەزا نەبێت یان ئیمان لاواز بێت یان کەسێکە متمانە بە خۆی نییە و ئەگەری گومڕا بوونی هەیە ، نابێت بخوێنێتەوە و حەڕامە .
(۲) ئەگەر کەسەکە شارەزا بێت و ئیمانی لاواز نەبێت و متمانەی بە خۆ هەبێت ، دروستە بخوێنیتەوە .
بەلام بۆ ئەوەی گومڕا نەبێت و بە جوانی شارەزا بێت ، با سەرەتا بگەرێتەوە بۆ ئەو کتابانەی کە زانایانی موسلمان لەسەر گاور و جولەکە نووسیویانە ، کە باشترین کتاب ئەمانەن :
(۱) کتابی ابن تیمیە ، ناوەکەی (( الجواب الصحیح لمن بدل دین المسیح )) .
(۲) کتابی ابن قیم ، ناوەکەی (( هدایة الحیاری فی ٲجوبة الیهود والنصاری )) .
(۳) کتابی قرطبی ، ناوەکەی (( الاعلام بما فی دین النصاری من الفساد و الاوهام )) .
ابن عثمین ڕەحمەتی خوای لێ بێت دەلێت : (( کەسێک شارەزایە و حەق و ناحەق لێک جیادەکاتەوە ، هیچ ڕێگری نییە ، شارەزا بێت بۆ ئەوەی وەلامیان بداتەوە...)) مجموعە فتاوی ج ۱ لاپەڕ ۳۳ .
زانایانی اللجنة الدائمة دەلێن : (( کتابی ئاسمانی پێشتر زۆر گۆڕانکاری بەسەریان دا هاتووە ، زیادە و کەمی تیا کەوتووە ، نابێت موسلمان بیخوێنێتەوە و لێی بکۆلێتەوە ئیلا ئەگەر کەسێک شارەزا بێت ، مەبەستی دیار کردنی گۆڕانکارییەکان بێت و وەلامیان بداتەوە )) ج۳ لاپەڕە ۳۱۱
ـ
ـــــــــــــــــــــــــــــــــــــــــــــــــــــــــــــــــــــــــــــ