پرسیار // گومانی تێدا نییە داخوازی کوڕ لەسەر کوڕ بۆ کچێک دروست نییە ، بەلام ئەگەر کچێک بزانێت کوڕێک داخوازی کچێکی کردووە ئایا دروستە کچ خۆی پێشکەش بە کوڕ بکات لەم کاتە ؟
وەلام // زانایان دەلێن بۆ ئافرەتیش دروست نییە خۆی پێشکەش بە پیاو بکات ئەگەر بزانێت داوای ئافرەتێکی تری کردووە .
ابن عثیمین ڕەحمەتی خوای لێ بێت دەفەرمووێت : (( ئەگەر یەکێک بلێت : ئایا دروستە ئافرەت داخوازی بەسەر داخوازی خۆشکی " واتە خوشک لە دین " خۆی بکات ؟
دەلێین : قیاس داوای ئەوە دەکات دروست نییە ، نموونە : ئافرەتێک گوێی لێ بوو فلانە کەس داوای فلانە ئافرەتی کردووە ، ئەویش نەفسی خۆی پێشکەش بەو کوڕەی کرد ، ئەمە حەڕامە ، چونکە علەت یەک علەت ، ئەویش تەعدای کردنە لە حەقی کەسی تر .
ھەندێک زانا دەلێن : جیاوازی ھەیە لەنێوان ژن و پیاو ، پیاو دەتوانێت دوو ئافرەت مارە بکات ، یەکەم مارە بکات و دووەمیش مارە بکات ، بەلام ئافرەت وا نییە و ناتوانێت شوو بە دوو پیاو بکات پێکەوە .
بەلام دەوترێت : ئایا ھەموو خەلک دەتوانن دوو ئافرەت مارە بکەن ؟ ھەموو خەلک ناتوانن ببن بە خاوەنی دوو ژن ، ئەگەر وابێت علەت ھەمان شتە ، پاشان ھەموو کەسێک حەز بەوە ناکات دوو ئافرەت مارە بکات .
کەواتە ئەسڵ وایە حەقی ئەو ئافرەتەی داوا کراوە پارێزراو بێت ، مادەم داوا کراوە ھەموو مرۆڤێک دەزانێت ئەگەر ئافرەتی دووەم بێت بلێت : " ئەی فلان کەس من نەفسی خۆم پیشکەش بە تۆ کرد " ئەم کردەوەیە تەعدا کردن لە مافی ئافرەتی یەکەمی داوا کراو . )) فتح ذي الجلال والإكرام ج١١ لاپەڕە ٧٥
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ