سەردێری پرسیار:مافەکانی مناڵ چین لەسەر دایک و باوک ؟

بەرواری دانان :2018-10-20 کۆدی پرسیار:670

پرسیار:

پرسیار // مافەکانی مناڵ چین لەسەر دایک و باوک ؟

دەقی وەڵام:



وەلام // زانایان دەلێن منالیش حەقی ھەیە لەسەر دایک و باوک ھەروەک چۆن دایک و باوکیش مافی ھەیە بەسەر مناڵ ، بەلگە :

وقال رسول الله صلى الله عليه وآله وسلم من حديث عبد الله بن عمر : " وإن لولدك عليك حقاً " مسلم ( 1159 ) .

واتە : مناڵەکەت حەقی لەسەر تۆ ھەیە .

مافەکانی مناڵ بەسەر دایک و باوک ئەمانەن :

یەکەم // دیار کردنی ئافرەتێکی باش بۆ مناڵەکان ، تاکو ببێتە دایک بۆ مناڵ و پەروەردە کردنی مناڵ .

دووەم // تەحنیک کردن بۆ مناڵ کاتێ لە دایک دەبێت ، واتە خورما یان شتێکی شیرین بخەیتە دەمی .

سێیەم // ناوێکی باش و خۆشی لێ بنێیت ، نەک ناوێک بێت مناڵ شەرم بکاتەوە کاتێک دەچێتە ناو ھاوڕێکانی ، یان ناوێکی ناشەرعی لێ بنێیت .

چوارەم // سونەتە ڕۆژی حەوتەم قژی ببڕیت و بە ئەندازەی ئەو قژە زیو ببەخشی .

پێنجەم // سونەتە عەقیقە بۆی بکەیت ، ئەویش سەر بڕینی دوو مەڕە بۆ کوڕ وە یەک مەڕ بۆ کچ .

شەشەم // ختان ، واتە سونەت کردن .

حەوتەم // پەروەردەی بکات بە جوانترین و باشترین شێوە ، کە ئەمە گرینگترین شتە دایک و باوک گرینگی پێی بدەن بە تایبەتی دایک ، چونکە مناڵ زۆربەی کات لەلای دیکە و پەروەردەی دایکە .

ھەشتەم // مەسرەفی مناڵ بكات بۆ پێداویستییەکان .

ـــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام