سەردێری پرسیار:لە چ حالەتێک دروستە نیشتەجێ ببیت لەناو ولاتی کافرەکان ؟

بەرواری دانان :2018-10-12 کۆدی پرسیار:563

پرسیار:

پرسیار // لە چ حالەتێک دروستە نیشتەجێ ببیت لەناو ولاتی کافرەکان ؟

دەقی وەڵام:



وەلام // زانایان دەلێن مانەوە و نیشتەجێ بوون لە ولاتی کافرەکان حەڕامە و تاوانێکە لە تاوانە گەورەکان ، وە سەفەر کردن بۆ ولاتی کافرەکان دروست نییە ئیلا بە سێ مەرجە نەبێت .

ابن عثیمین ڕەحمەتی خوا لێ بێت دەفەرمووێت : (( سەفەر کردن بۆ ولاتی کافرەکان دروست نییە ئیلا بەسێ مەرج نەبێت :

مەرجی یەکەم // دەبێت مرۆڤ زانستی لەلا بێت و بتوانێت گومانەکان لابدات .

مەرجی دووەم // دەبێت دینی لەلا بێت ڕێگری بکات لە شەھوەتەکانی .

مەرجی سێیەم // پێویستی بە سەفەر ھەبێت .

ئەگەر ئەم سێ مەرجەی تێدا نەبێت دروست نییە گەشت بکەیت بۆ ولاتی کافرەکان چونکە فیتنە و ترسی تووش بوون بە فیتنەی تێدایە . )) " مجموع فتاوى الشيخ ابن عثيمين " ( 6 / 131 - 132 ) .

زانایان دەلێن مانەوە لە ولاتی کافرەکان ئەم حەوت حالەتانەن :

حالەتی یەکەم // لەناو ولاتی کافرەکان دەمێنێتەوە بۆ بانگەوازی کردن و خەلک ڕاکێشان بۆ ئیسلام ، ئەمەیان فرض الکفایە واتە واجبە هەندێک بەم کارە هەلسن .

حالەتی دووەم // ئەگەر بۆ بازرگانی چوو یان نەخۆشی بۆ ئەوەی چارەسەر وەربگرێت دروستە بمێنیتەوە بەگوێرەی پێویست .

حالەتی سێیەم // ئەگەر بچێت بۆ نیشتەجێ بوون ئەمە حەرامە بەلکو تاوانێکی گەورەیە ، بەلکو حەدیس هاتووە هەندێک زانا صحیح دەکەن وه هەندێکی تر لاوازی دەكەن دەفەرمووێت : (( هەرکەسێک لەناویان نیشتەجێ بێت ئەویش وەک ئەوانە )) .

حالەتی چوارەم // ئەگەر بچێت بۆ ئەوەی چاودێریان بکات و لە بیرو باوەڕە پووچەکانیان شارەزابێت و لە ڕەوشتیان شارەزابێت ، بۆ ئەوەی موسلمانان ئاگادار بکاتەوە لە فێلەکانیان ، ئەمەیان دروستە بەلکو جۆرێکە لە جۆرەکانی جیهاد .

حالەتی پێنجەم // ئەگەر بۆ رێکخستنی کاروباری ولاتی موسلمانان لە ناو کافرەکان بمێنێتەوە دروستە .

حالەتی شەشەم // ئەگەر بۆ خوێندن بچێت دروستە بەلام بەمەرج

(ٲ) خوێندنەکە زۆر پێویست بێت ، ئەگەر پێویست نەکات نابێت .

(ب) دەبێت شارەزابێت لە دین ، نەزان نەبێت چونکە ئەگەری زۆری گومرابوونی هەیە .

(ج) دەبێت ئیمانێکی پتەوی هەبێت و ئیمان لاواز نەبێت ، چونکە ئەگەری زۆری گومرابوونی هەیە .

(د) کەسێک بێت عاقل بێت خراپە و قازانج لێک جیابکاتەوە .

حالەتی حەوتەم // ئەگەر بۆ کارکردن بێت دروستە بەلام بەو مەرجانەی کە باسمان کرد .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام