سەردێری پرسیار:ئایا دروستە ئافرەت " ژنی دووەم " داوا لە پیاو بکات خێزانی خۆی تەلاق بدات لەبەر مەسلەحەتی خۆی ؟

بەرواری دانان :2018-10-10 کۆدی پرسیار:508

پرسیار:

پرسیار // ئایا دروستە ئافرەت " ژنی دووەم " داوا لە پیاو بکات خێزانی خۆی تەلاق بدات لەبەر مەسلەحەتی خۆی ؟

دەقی وەڵام:



وەلام // زانایان دەلێن حەڕامە ئافرەت داوای تەلاقی ژنی تر لە پیاوی خۆی بکات بۆ سوودی خۆی ، بەلگە :

عن أَبِى هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ : (( لاَ يَحِلُّ لاِمْرَأَةٍ تَسْأَلُ طَلاَقَ أُخْتِهَا لِتَسْتَفْرِغَ صَحْفَتَهَا )) رواه البخاري ( 4857 ) - واللفظ له - ومسلم ( 1413 ) .

واتە : حەلال نییە بۆ ئافرەت داوای تەلاقی خوشکی " واتە خوشک لە دین نەک خوشک لە نەسەب " خۆی بکات بۆ ئەوەی ھەرچی خێر و خۆشی و ڕزق ھەیە ھی ئەو ئافرەتە تەنھا بۆ خۆی بێت .

ابن حجر عسقلانی ڕەحمەتی خوای لێ بێت دەفەرمووێت : (( مەبەست بە خوشک لێرە خوشکە لە دین ، پاڵ پشتی بۆ ئەوە فەرموودەی ئەبو ھریرە ھاتووە رواە ابن حبانە دەفەرمووێت : " لَا تَسْأَل الْمَرْأَة طَلَاق أُخْتهَا لِتَسْتَفْرِغ صَحْفَتهَا فَإِنَّ الْمُسْلِمَة أُخْت الْمُسْلِمَة " )) " فتح الباري " ( 9 / 220 ) .

ابن عثیمین ڕەحمەتی خوای لێ بێت دەفەرمووێت : (( ئەگەر ئافرەت داوای تەلاقی خوشکی خۆی کرد لەم سێ حالەتە زیاتر نییە :

حالەتی یەکەم // داوای تەلاق دەکات بۆ سوودی پیاو ، ئەمەیان دروستە .

حالەتی دووەم // داوای تەلاق دەکات بۆ سوودی ژنی پیاوەکە ، ئەمەیان دروستە .

حالەتی سێیەم // داوای تەلاق دەکات بۆ ئەوەی ڕزقی ئەو ژنە ببڕێت و زیانی پێ بگەیەنێت ، ئەمەیان حەڕامە . )) فتح ذي الجلال والإكرام ج٩ لاپەڕە ٢٣٥

ـــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام