سەردێری پرسیار:حوکمی گوێڕایەلی دایک و باوک بۆ تەرک کردنی سونەتێک ؟

بەرواری دانان :2018-10-08 کۆدی پرسیار:421

پرسیار:

پرسیار // ئایا دەکرێت گوێڕایەلی دایک و باوک بکەیت بۆ تەرک کردنی سونەتێک ؟

دەقی وەڵام:



وەلام // زانایان دەلێن گوێڕایەلی کردنی دایک و باوک ئەم دوو حالەتانە :

حالەتی یەکەم // گوێڕایەلی کردنیان بۆ تەرک کردنی واجب یان کردنی حەڕامێک ، لەم حالەتە نابێت گوێڕایەلیان بکەیت ، وەک تەرک کردنی نوێژی واجب یان ڕیش تاشین یان خەلک کوشتن بە ناحەق .

حالەتی دووەم // گوێڕایەلی کردنی دایک و باوک لە تەرک کردنی سونەت ، دەلێین :

(١) ئەگەر دایک و باوک فەرمان بە منالی خۆیان بکەن فلانە سونەت مەکە لەبەر سوودی خۆیان " واتە لەبەر سوودی دایک و باوک " ، یان لەبەر ترسی لەسەر منالەکەیان ، لەم حالەتە واجبە گوێڕایەلی دایک و باوک بکات .

نموونە : باوکی فەرمانی پێ دەکات بەڕۆژوو نەبێت لەبەر لاوازی لاشەی ، یان چاودێرییان بکات کە پێویستیان پێیە یان بە ئوتومبێل بیانگەینێت بۆ شوێنێک .

(٢) ئەگەر دایک و باوک فەرمان بە منالی خۆیان فلانە سونەت مەکە لەبەر بێ دینی خۆیان یان لەبەر ھەواو ئارەزووی خۆیان یان عەقلیان کامل نییە ، لەم حالەتە نابێت گوێڕایەلیان بکەیت و دەبێت بە شێوەیەکی جوان مامەلەی لەگەل بکەیت .

ابن تیمییە ڕەحمەتی خوای لێ بێت دەفەرمووێت : (( دەبێت گوێڕایەلی دایک و باوک بکەیت بۆ بێجگە لە تاوان ئەگەر چی دایک و باوک خراپیش بن ، ئەمە وتەی ئەحمەدە ، ئەمەیان ئەگەر سوودی بۆ ھەردووکیان ھەبوو و نەک زیان ، )) "الفتاوى الكبرى " ( 5 / 381 ) .

ـــــــــــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام