پرسیار: بۆچی لە قورئانی پیرۆزدا کاتێک باسی مەریەم کرا فەرمووی: ﴿يَٰٓأُخۡتَ هَٰرُونَ﴾ [مريم: 28]، برا مەبەست پێی چییە؟
وەڵام: زانایان سەبارەت بەمە دەڵێن:
١- هارون پیاوێکی باشی نەوەی ئیسرائیل بوو، واتە: ئەی هاوشێوەی هارون لە باشەدا، بەکارهێنانی برا بۆ هاوشێوە لە قورئان و زمانی عەرەبی زۆر بووە، لەوانە:
- خوای گەورە دەفەرمووێت: ﴿وَمَا نُرِيهِم مِّنۡ ءَايَةٍ إِلَّا هِيَ أَكۡبَرُ مِنۡ أُخۡتِهَاۖ وَأَخَذۡنَٰهُم بِٱلۡعَذَابِ لَعَلَّهُمۡ يَرۡجِعُونَ٤٨﴾ [الزخرف: 48]
- خوای گەورە دەفەرمووێت: ﴿إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا٢٧﴾ [الإسراء: 27]
- خوای گەورە دەفەرمووێت: ﴿وَإِخۡوَٰنُهُمۡ يَمُدُّونَهُمۡ فِي ٱلۡغَيِّ ثُمَّ لَا يُقۡصِرُونَ٢٠٢﴾ [الأعراف: 202]. (الوسیط) للواحدي (٣/١٨٢)، (تفسیر الرسعني) (٤/٤١٣)، (أضواء البیان) (٣/٤١٥).
٢- هاڕون یان برای بووە یان لە بنەماڵە و عەشیرەتی بووە، سەبارەت بەوەی هاڕون برای موسا و مەریەم بووە، ئەمە هەڵەیە، لەبەر ئەوەی لەنێوان مەریەم و هارون و موسا چەند سەدە بووە. (تفسیر السعدي) لاپەڕە (٤٩٢)، (تفسیر ابن عاشور) (١٦/٩٥-٩٦).