دەقی وەڵام:

وەڵام: کەفارەت واجب نابێت مەگەر بە چەند مەرجێک:

١ـ دەبێت سوێند دامەزرا بێت، سوێندی دامەزراو ئەوەیە دەبێت مەبەستی ھەبێت بۆ داھاتوو و شتەکە بکرێت، ئەگەر مەبەستی سوێندی نەبێ و ھی سەر زمان بێت ئەوا کەفارەتی لەسەر نییە.

٢ـ دەبێت سوێند خواردن بۆ داھاتوو بێت، ئەگەر سوێندی خوارد بۆ شتی ڕابردوو بوو کەفارەتی لەسەر نییە یان ڕاستگۆیە و ڕاست دەکات یان درۆ دەکات، ئەگەر بلێت: دوێنی فلانە شت و فلانە شت ڕوویدا، ئەو شتە ڕووی نەدابوو، کەفارەتی لەسەر نییە، چونکە سوێندی خواردووە لەسەر شتی ڕابردوو، بەلام لە نێوان دوو شت دایە یان تاوانبارە یان سەلامەتە لە تاوان، ئەگەر ڕاستگۆ بێت ئەوا سەلامەتە و ھیچی لەسەر نییە، ئەگەر درۆ بکات ئەوا تاوانبارە و کەفارەتی لەسەر نییە، بەلام تەوبەی لەسەرە و دەبێت بگەڕێتەوە بۆ لای خوا و وە حەق بۆ خاوەنەکەی بگەڕێنێەوە.

٣ـ دەبێت ئەو شتەی کە سوێندی لەسەر دەخوات بکرێت، بەڵام ئەگەر شتێک نەکرێت و مستحیل بێت و سوێندی لەسەر بخوات بۆ ھاتنەدی، وەک ئەوەی بڵێت: سوێند بەخوا خانوویەک دروست دەکەم لەسەر مانگ، ئەوا سوێندی خواردووە لەسەر شتێکی مستحیل، جیاوازی ھەیە لە نێوان زانایان:

ـ ھەندێک دەلێن لەو کاتە دەبێت کەفارەت بدات.

ـ ھەندێک زانای تر دەلێن ھیچی لەسەر نییە، چونکە ئەمە لە بابەتی لەغوەیە و ھیچ مەبەستی نییە.

ئەگەر پابەندی بکەین بە کەفارەت دان بۆ ئەوەی چاک بێت و خۆی لەم قسانە بگرێتەوە ئەوە باشە، کاتێک پابەندی دەکەین بە کەفارەت ئەوە واجب دەبێت یەکسەر کەفارەت بدات ، چونکە ھەموو واجبەکان ئەسڵ وایە دەبێت یەکسەر بێت ئیلا ئەوانەی بەلگەی لەسەر ھاتبێ. (فتح ذي الجلال والإكرام) لابن عثیمین (١٤/٣٩٧ـ٣٩٩).