پرسیار: حوکمی بەڕۆژوو بوون لە ڕۆژی شەممەدا ئەگەر عەرەفه بکەوێتە ڕۆژی شەممە؟
وەڵام: زانایان سەبارەت بەمە دەڵێن:
١ـ ئەو فەرموودەی نەهی کردووە لە بەڕۆژوو بوون لە ڕۆژی شەممەدا ئەگەر صحیح بێت ئەوە باسی ئەو حاڵەتەیە ڕۆژوو تایبەت بکەیت بە شەممە و تایبەتمەندی پێ بدەیت، زۆر لە زانایانیش فەرموودەکەیان لاواز کردووە، لەوانە: ئیمام مالك و ئەحمەد و زوهری و ئەوزاعی و ابن تیمیە و ابن القیم و ابن حجر و ابن باز و ابن عثیمین. التلخيص الحبير (2/216)، تهذيب السنن ( 7/67)، الفروع لابن مفلح (3/92)، مجموع فتاوى ابن باز (15/411)، فتاوى اللجنة الدائمة (10/396)، مجموع فتاوى ابن عثيمين (20 /35).
٢ـ هەر چوار مەزهەبەکان یەک دەنگن دروستە بەڕۆژوو بیت ئەگەر ڕۆژی عەرەفە بکەوێتە شەممە، بەڵکو سوننەتە و پاداشتیش بۆی هەیە کە دەبێتە کەفارەتی تاوانی دوو ساڵ.