پرسیار: ئایا ڕۆژی یەکەم باشترە قوربانی بکەیت یان ڕۆژەکانی تر؟ حوکمی ئەوانەی قوربانی دەخەنە ڕۆژی دووەم لەبەر ئیش و کار و میوان؟
وەڵام: زانایان دەڵێن سوننەتە دەست پێشخەری بکرێت لە قوربانی ئەنجام دان دوای داخلی کاتی قوربانی بوون، کە ئەمە وتەی هەر چوار مەزهەبەکانە، چونکە:
ـ قوربانی کردن دوای داخلی کات بوون دەست پێشخەری کردنە لە خێردا و دەرچوونە لە خیلاف. (كشاف القناع) للبهوتي (3/ 9).
ـ قوربانی لە یەکەم کاتدا خێر وەڵام دانەوەی بانگەوازی خوایە. (بدائع الصنائع) للكاساني (5/80).
باشتر وایە لە یەکەم ڕۆژدا دوای نوێژ قوربانی ئەنجام بدرێت، ئەگەر بخرێتە ڕۆژی دووەم یان ڕۆژەکانی تر جا عوزری هەبێ یان نەبێ تاوانبار نابێ و هیچی تێدانییە.