پرسیار: دروستە باوکێک پارەی هەیە بازرگانی پێ دەکات بلێت دوای مردنی منیش هەر بازرگانی پێ بکەن، یان دەبێت دوای مردنی بدرێتە کوڕ و کچەکانی؟
وەڵام: زانایان سەبارەت بەمە دەڵێن:
١- ئەسڵ وایە دوای مردنی باوک میرات بۆ میراتگرەکان دەڕوات و هیچ مولکی باوکەکە نەماوە، کەسانی تر دەبنە میراتگری و مافی میراتگرەکانە.
٢- هیچ کێشە نییە میراتگرەکان دوای ئەوەی بەشی خۆیان دیارکرد بازرگانی پێیەوە بکەن، سوود و زیان بەپێی بەشیانە.
٣- شەرع لەگەڵ بازرگانی کردنە بە ماڵ نەک پارە لە مالەوە بێت تا زەکات دەیخوات، بۆیە ئەوانەی سەرپەرشتی هەتیو دەکەن داوایان لێکراوە بازرگانی بە مالی هەتیو بکەن، بۆ ئەوەی زەکات مالەکەی نەخوات.