پرسیار: حوکمی تەرک کردنی تەحیاتی یەکەم بە ئەنقەست؟
وەڵام: زانایان سەبارەت بەمە دەڵێن:
١ـ زۆربەی زانایان بۆ ئەوە چوون تەحیاتی یەکەم سوننەتە، کە ئەمە وتەی مالک و شافعی و ئەبو حەنیفەیە، ئیمام ئەحمەد بۆ ئەوە چووە واجبە.
٢ـ تەحیاتی کۆتایی ڕوکنە بەڵام هی یەکەم ڕوکن نییە، چونکە پێغەمبەری خوا (ﷺ) تەحیاتی یەکەمی لەبیرکردووە دوو سوجدەی سەهوی بردووە، ئەگەر ڕوکن بوایا بە سوجدەی سەهو پڕ نەدەبووەوە.
٣ـ وتەی ڕاست سوجدەی سەهو بۆ ئەو واجبە دەبردرێت کە لەبیرکراوە نەک بە ئەنقەست تەرک بکەیت.
٤ـ تەرککردنی تەحیاتی یەکەم بە ئەنقەست سێ وتە هەیە:
ـ شافعی یەکان بۆ ئەوە چوون نوێژ بەتال ناکاتەوە و سوجدەی سەهو دەبەیت.
ـ ئەبو حەنیفە و مالک بۆ ئەوە چووە نوێژ بەتال ناکاتەوە و سوجدەش نابات.
ـ حەنابلە بۆ ئەوە چوون نوێژ بەتاڵ دەبێتەوە.