دەقی وەڵام:

وەڵام: زانایان سەبارەت بەمە دەڵێن:

١- سزای ناو گۆڕ بوونی هەیە کە بەڵگەی قورئان و سوننەت و یەک دەنگی پێشینەکان لەسەر ئەمە هەیە.

٢- فیتنەی ناو گۆڕ لەدوای مردنەوە دەست پێ دەکات تا هەستانی قیامەت، جا کەسەکە بەهەر شێوەیەک مردبێت، لەگۆڕ نێژرا بێت یان نەنێژرابێت، دڕندە هەمووی خواردبێت یان هەندێکی خوارد بێت، نقووم بووبێت یان سووتا بێت.

٣- مردوو ئەگەر ئەندامەکانی لێک جیابکرێنەوە یان دڕندە بیخوات یان حوت و شتی تر، ئەمە نابێتە ڕێگر لە پرسیاری ناوگۆڕ و سزای ناو گۆڕ، هەروەک چۆن خوای گەورە دەیگەڕێنێتەوە بۆ حەشر و توانای بەسەر ئەمەدا هەیە، هەروەها گەڕاندنەوەی بۆ ژیانی بەرزەخیش هەمان شتە لای خوای گەورە ئاسانە. (شرح صحیح مسلم) للنووي (١٧/٢٠١).

٤- فیتنەی ناو گۆڕ تایبەت نییە بە کەسێک لە گۆڕدا نێژرا بێت، بەڵکو هەموو مردووێک دەگرێتەوە، وتەی پێغەمبەری خوا (ﷺ): (إذا دفن المیت ...)، مەبەست پێی زۆرینەیە، چونکە زۆربەی مردووەکان دەنێژرێن لەناو گۆڕدا مەگەر حالەتی دەگمەن نەبێت کەسێک بسووتێت یان نقووم بێت و حوت بیخوات یان دڕندە بیخوات، فەرموودەکە ئەو مانایە هەلناگرێت سزا بۆیان نییە یان پرسیار لێیان ناکرێت.

لەسەر ئەمە مرۆڤ فڕێ بدرێتە سەر وشکانی یان دەریا یان هەر شوێنێک بمرێت دوو فریشتە دێنە لای و پرسیاری لێ دەکەن. (شرح العقيدة السفارينية) (1/433).