پرسیار: حوکمی سوجدەی سەهو بۆ تەرککردنی سوننەتی نوێژ؟
وەڵام: زانایان دەڵێن هەر کەسێک سوننەتێک تەرک بکات لەبیر بکات دروستە سوجدەی سەهو ببات و لەسەری واجب نییە، کە ئەمە وتەی حەنابلە و ابن بازە، بەڵگە:
١- لەبەر ئەوەی مرۆڤ ناتوانێت خۆ بپارێزێت لە تەرککردنی سوننەت بەسەهو لەبەر زۆری سوننەتەکان، ئەگەر سوجدەی سەهو واجب بوایا کەم نوێژ دەبوو کەم و کوڕی تێ نەکەوێت. (الروض المربع) للبهوتي (ص: 105)، (كشف المخدرات) للبعلي (1/146).
٢- چونکە سوننەت نوێژ بەتال ناکاتەوە بە ئەنقەست، بۆیە سوجدەی سەهوش بۆی واجب نییە. (كشف المخدرات) للبعلي (1/146).