پرسیار: حوکمی سەلام کردنی وتارخوێن لە نوێژخوێنان لە سەرەتای وتارخوێندندا؟
وەڵام: زانایان دەڵێن سوننەتە ئێمام کاتێک بەسەر مینبەر دەکەوێت ڕوو لە ئامادەبووان بکات و سەلامیان لێ بکات، کە ئەمە وتەی شافعی و حەنابلە و هەندێک لە پێشینەکان و ابن عثیمینە، بەڵگە:
١ـ یەک دەنگی ئوممەت لەسەر کردەوە پێکردنی. (الشرح الممتع) لابن عثيمين (٥/٦١).
٢ـ سەلام کردنی وتار خوێن لە خەڵک دەچێتە ژێر ئەو فەرموودانەی باسی سەلام کردن دەکەن. (الشرح الممتع) لابن عثيمين (٥/٦١).