پرسیار: کەسێک مالی منی لەلایە و نایداتەوە، دروستە لێی ببەم بێ ئەوەی کەسەکە هەست پێ بکات؟
وەڵام: زانایان سەبارەت بەمە دەڵێن:
١ـ ئەم بابەتە پێی دەڵێن (الظفر)، ئەویش ئەوەیە کەسێک مالی خوراوە بە ستەم، پاشان ستەم لێکراو مالی ستەمکاری بینی و دەستکەوت، ئایا بۆی دروستە حەقی خۆی بباتەوە بێ ئەوەی ستەمکار بزانێت.
٢ـ ئەگەر کەسێک مالی لەلای کەسێک بێت و نەتوانێت بە ڕێگای شەرعی دیار وەربگرێتەوە، لەبەر ئەوەی بەڵگەی نییە و ستەمکاریش ئینکاری دەکات، ئەگەر مالی ستەمکاری دەستکەوت دەتوانێ بیبات لەسەر وتەی ڕاستی زانایان، جا ستەمکارەکە بزانێت یان نەزانێت. (الأم) (٦/ ٢٦٨).
٣ـ دروستە مالی خۆت وەربگریتەوە لێی بێ زیادە، ئەمەیان داخلی خیانەت و دزی نابێت، بەلکو مافی خۆت وەرگرتۆتەوە.