پرسیار: حوکمی مەسح کردن لەسەر گۆریە؟
وەڵام: زۆربەی زانایان بۆ ئەوە چوون دروستە مەسح لەسەر گۆریە بکرێت، کە ئەمە وتەی شافعی و حەنابلە و ظاهری و ئەبو یوسفە، هەروەها نەقل کراوە کە ئەبو حەنیفەش لە کاتی نەخۆشی پەشیمان بۆتەوە، وە؟وتەی ابن باز و ابن عثیمینه، بەلگە: ١ـ عن الغیرة بن شعبة قال: (توضٲ النبی (ﷺ) و مسح علی الجوربین و النعلین). رواە الترمذی (۹٨)، واتە: پێغەمبەر (ﷺ) مەسحی لەسەر گۆریە و نەعلی کردووە. ٢ـ لە هاوەلان نەقل کراوە مەسحیان لەسەر گۆریە کردووە، بەدیار نەکەوتووە لەسەردەمی ئەوان کەس پێچەوانەی کردبێت، کەواتە ئیجماع ھەیە. (المغني) لابن قدامە (١/٢١٥). ٣ـ قیاس کردن لەسەر خوف، کە هیچ جیاوازی نییە لەنێوان گۆریە و خوف. کەواتە وتەی ڕاست وتەی زۆربەی زانایانە کە دروستە مسح لەسەر گۆریە بکرێت ، ئەگەر ئەو فەرموودەی باسی مەسح کردن لەسەر گۆرە دەکات لاوازیش بێت دەلێین مسح لە هاوەلان نەقل کراوە و وە قیاسیش ڕوون و ئاشکراییە.