سەردێری پرسیار: ئایا زەکاتی زێڕ لە چەند دەدرێت و چەندە ؟

بەرواری دانان :2018-10-05 کۆدی پرسیار:287

پرسیار:

پرسیار // ئایا زەکاتی زێڕ لە چەند دەدرێت و چەندە ؟

دەقی وەڵام:



وەلام // زانایان دەلێن زەکاتی زێڕ دەبێت بگاتە بیست مسقاڵ ئەو کات واجبە زەکاتی لێ بدەیت ، وە زەکاتی بیست مسقال نیو مسقاڵ دەدرێت ، بەلگه :

عن علی رضي الله عنه قال : قال رسول اللە صلی الله علیه وسلم : (( ...... فٳذا كان لك عشرون دینارا و حال علیها الحول ، ففیها نصف دینار ، فما زاد فبحساب ذالك ، ولیس في مال زكاة حتی یحول علیه الحول )) رواە ابو داود

واتە : ئەگەر بیست دینار زێڕت هەبێت وە ساڵێکی بەسەریدا تێپەڕێت ، ئەوە نیو دینار زەکاتی لێ دەدەیت ، وە چەند زیاد بێت لەسەر ئەم حسابە لێک دەدەیتەوە ، مالێک زەکاتی لێ ناکەوێت هەتا سالێکی بەسەردا تێپەڕ دەبێت .

ابن عثیمین ڕەحمەتی خوای لێ بێت دەفەرمووێت : (( مەبەست بە تێپەڕ بوونی ساڵ ساڵی عالەمییە ، واتە ساڵی هیجری ، .....

" حتی یکون لك عشرون دینارا " بیست دینار یەکسانە بە بیست مسقاڵ ...... )) شرح بلوغ المرام ج٦ لاپەڕە ۹۹ـــ ۱۰۰

ابن قدامە ڕەحمەتی خوای لێ بێت دەفەرمووێت : (( نابێت زەکات بدەیت پێش ئەوەی بگاتە حەدی نیساب ، بێ جیاوازی زانایان ، .......... )) المغنی ج۲ لاپەڕە ٤۷۱

هەر کەسێک مال ببەخشێت پێش ئەوەی بگاتە حەدی نیساب واتە نەگەیشتۆتە بیست مسقال ئەوە بۆی بە خێر دەنووسرێ نەک زەکات .

وە هەر کەسێک زەکات پێش وەقت بدات ، واتە ساڵێکی تەواو بەسەر دا تێپەڕ نەبووە ، ئەگەر سوودی تێدا بێت وتەی ڕاست ئەوەیە دروستە .

پوختەی وەلامی زانایان :

(۱) زەکاتی زێڕ ئەم دوو مەرجەی هەیە :

(ٲ) دەبێت بگات بە حەدی نیساب ، واتە بیست مسقاڵ .

(ب) دەبێت یەک ساڵی هیجری بەسەری دا تێپەڕ ببێت .

(۲) هەر کەسێک ماڵ ببەخشێت پێش نیساب ، واتە نەگەیشتۆتە بیست مسقاڵ ئەوە بۆی بە خێر دەنووسرێ نەک زەکات .

(۳) هەر کەسێک زەکات پێش وەقت دەربکات ئەگەر سوود تێدا بێت وتەی ڕاست ئەوەیە دروستە .

(٤) لە هەر بیست سقاڵێک نیو مسقاڵ زەکاتی لێ دەدەیت ، لە چل مسقال یەک مسقاڵ دەدەیت ، لە سەد مسقال دوو مسقاڵ و نیو زەکاتی لێ دەدەیت .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام