پرسیار: حوکمی گۆڕینی وەقف، چونکە سوودی وەقفەکە کەم بووە؟
وەڵام: جیاوازی هەیە لەنێوان زانایان سەبارەت بە فرۆشتنی وەقف، دوو وتە هەیە:
یەکەم: زۆربەی زانایان بۆ ئەوە چوون دروست نییە وەقف بفرۆشیت و لە شتی تر سەرف بکەیت ئەگەر وەقفەکە بە یەکجاری سوودی تێدانەمابێت، کە ئەمە ڕاستی حەنەفی یەکان و هەرسێ مەزهەبی ترە، چونکە:
١ـ دەبێت ڕەچاوی وەقف بکرێت و ڕەچاوی مەبەستی ئەو کەسە بکرێت کە شتەکەی کردووە بە وەقف. (مغني المحتاج) للشربيني (٢/٣٩١).
٢ـ بەردەوام ئەو مولکەی وەقف کراوە حەقی خوایە، نابێت باطل بکرێتەوە بە کەم بوونەوەی سوودەکەی.(البيان) للعمراني (٨/٩٩).
دووەم: هەندێک زانای تر بۆ ئەوە چوون دروستە وەقف بفرۆشیت و سەرفی بکەیت لە شتی باشتر هەتا ئەگەر وەقفەکە بەیەکجاری لە سوودیش نەکەوتبێت، کە ئەمە وتەی ئەبو یوسفی حەنەفی مەزهەبە، وە وتەیەکە لە وتەکانی ئەحمە و ابن تیمیە و شەوکانی یە، چونکە:
١ـ گۆڕینی وەقف بۆ شتی باشتر و چاکتر ئەمە مەبەستی سەرەکی وەقف و شەریعەتە، شتێکی باشە لە ڕووی شەرع و عەقڵەوە، چونکە ڕاکێشانی سوودی تێدایە. (السيل الجرار) للشوكاني لاپەڕە (٦٥٠).
وتەی ڕاست وتەی دووەمە، والڵە اعلم.