دەقی وەڵام:

وەڵام: عن أبي سعيد مرفوعا: (ألا أخبركم بما هو أخوف عليكم عندي من المسيح الدجال؟) قالوا: بلى يا رسول الله! قال: (الشرك الخفي، يقوم الرجل فيصلي، فيزين صلاته، لما يرى من نظر رجل). أخرجه أحمد (٣٠/٣ رقم ١١٢٥٢)، وابن ماجه (٤٢٠٤)، وابن خزيمة (٦٧/٢ رقم ٩٣٧)، والبيهقي في " شعب الإيمان " (١٤٤/٣ رقم ٣١٤١).

واتە: ئەبو سەعیدی خودری خوا لێی ڕازی بێت دەفەرمووێت: پێغەمبەر (ﷺ) فەرمووی: (ئایا پێتان ڕابگەیەنم چ شتێک مەترسی زیاترە بۆ ئێوە یان من زیاتر لێتان دەترسم لە مەسیحی دەجال؟) گوتیان: بەڵێ ئەی نێردراوی خوا، فەرمووی: (شیرکی شاراوە، ئەمەش ئەوەیە پیاوێک ھەڵدەستێت نوێژ دەکات و نوێژەکەی دەڕازێنێتەوە، ئەمەش لەبەر ئەوەیه كه دەبینێ پیاوێ تەماشای دەکات).

ئەم فەرموودەیە بەڵگەیە فیتنەی ڕیا ترسناکترە لە فیتنەی دەجال، لەسەر ئێوە تووندترە لە فیتنەی مەسیحی دەججال کە فیتنەی دەججال گەورەترین فیتنەیە، چونکە:

١- دەججال بە نیشانەکان دەناسرێتەوە، بەڵام ڕیا لە دڵ دایە و شاراوەیە.

٢- دەججال بۆ سەردەمێک دێت بۆ کۆمەڵە کەسانێک، بەڵام ڕیا لە سەرەتای هاتنی ئیسلامەوە تا دوا ڕۆژ لەگەڵ نەوەکانی ئیسلامدا دەبێت.

عبداللە بن حمید ڕەحمەتی خوای لێ بێت دەفەرمووێت: (پێغەمبەر (ﷺ) لە ئوممەتی خۆی ترساوە زیاتر لە فیتنەی دەجال، چونکە فیتنەی دەجال دیارە، لەنێوان ھەردوو چاوی نووسراوە کافر، سەبارەت بە ڕیا کردەوەیەکی شاراوەیە). شرح کتاب التوحید لاپەڕە ٥٣٧.