پرسیار: ئایا دوای سوجدەی قورئان خوێندنەوە کاتێک دەست دەکەیت بە قورئان خوێندنەوە بسم اللە و استعاذە دەڵێیتەوە؟
وەڵام: زانایان دەڵێن سونەتە قورئان خوێن پێش قورئان خوێندنەوە أعوذ باللە من الشیطان الرجیم بخوێنێ، ئەمەیان سونەتە لەسەر وتەی زۆربەی زانایان، وە سەرەتایی هەر سورەتێک سونەتە بسم اللە الرحمان و الرحیم بخوێنێ.
سەبارەت بە دوای سوجدەی قورئان خوێندنەوە بردن و دەست بە قورئان خویندنەوە کردن دوو ئەگەری هەیە:
یەکەم: ئەگەر دوای سوجدە بردن قسە لەگەڵ کەس نەکات تەنها سوجدەی بردبێت، پاشان دەست بە قورئان خوێندنەوە بکات، لەم حالەتە قورئانی خۆی تەواو دەکات بێ ئەوەی أعوذ باللە من الشیطان الرجیم و بسم اللە الرحمان و الرحیم بخوێنێ.
دووەم: ئەگەر دوای سوجدە بردن قسە لەگەڵ کەسێک بکات یان ئیشێک بکات، دواتر بگەڕێتەوە سەر قورئان خوێندنەوە، لەم حالەتە سونەتە أعوذ باللە من الشیطان الرجیم بخوێنێ، سەبارەت بسم اللە الرحمان الرحیم بە ئارەزووی خۆیەتی دەتوانی بخوێنی و دەتوانی نەخوێنی.