سەردێری پرسیار: جیاوازی چییە لە نێوان فرض العین و فرض الكفایة ؟

بەرواری دانان :2018-10-03 کۆدی پرسیار:183

پرسیار:

پرسیار // جیاوازی چییە لە نێوان فرض العین و فرض الكفایة ؟

دەقی وەڵام:



وەلام // سەرەتا دەلێین وتەی ڕاست وتەی زۆربەی زانایانە کە هیچ جیاوازی نییە لە نێوان واجب و فرض ، زانایان واجبیان دابەش کردووە بۆ دوو بەش ، واجب العین ، واجب الکفائی .

فرض العین :کردەوەیەکە خوای گەورە داوای لە هەموو ئەوانە کردووە کە کردەوەیان لەسەرە بیکەن ، وەک : نوێژ یان ڕۆژوو یان زەکات یان حەج یان .....

فرض الكفایة : کردەوەیەکە خوای گەورە داوای لە کۆمەلە کەسانێک کردووە کە کردەوەیان لەسەرە بیکەن ، واتە ئەگەر کۆمەلێک ئەم کردەوەیە بکەن لەسەر ئەوانی تر لادەچێت تاوانبار نابن ، وەک : شووشتنی مردوو وە کفن کردنی و نوێژ لەسەر کردن .....

كەواتە بۆ جیاوازی دەلێین :

(۱) لە واجبی دا هەردووکیان وەک یەکن واجبن .

(۲) لە جێ بەجێکردن دا جیاوازییان هەیە ، فرض العین دەبێت هەموو تاکێک بیکات بەلام فرض الكفایة هەندێک بیکەن لەسەر ئەوانی تر لادەچێت .

(۳) لە پاداشت دا ئایا کامەیان خێری زیاترە ، دوو وتە هەیە :

(ٲ) هەندێک زانا دەلێن فرض الكفایة خێری گەورەتر و زیاترە یەکێک لەوانە ئیمام الحرمین وا دەلێت ، چونکە کردەوەیەکی کرد لەسەر خەلکی تر لاچوو ، بووە هۆی ئەوەی بارگرانی لەسەر خەلک لابچێت و خەلک تاوانبار نەبێت ، کەواتە واجبێکی کردووەو وە تاوانی لەسەر خەلک لادا ، بەلام فرض العین وانییه ، تەنها واجبێکی کردووەو هیچ بارگرانی و تاوانی لەسەر خەلک لانەداوە .

(ب) زۆربەی زانایان دەلێن دەلێن فرض العین پاداشتی زیاترە لە فرض الكفایة ، چونکە فرض العین لە هەموو ئەو کەسانە داواکراوە کە کردەوەیان لەسەرە بیکەن ، ئەمە بەلگەیە کە خۆشەویسترە لە لای خوای گەورە لە فرض الكفایة .

وتەی ڕاست وتەی زۆربەی زانایانە کە فرض العین پاداشتی زیاترە لە فرض الكفایة ، والله ٲعلم .

ـــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام