دەقی وەڵام:

وەڵام: زانایان دەلێن ڕاستە ‌پیاو ناتوانێت خوشکی خێزانی خۆی بهێنێت هەتا خێزایی نەمرێت، چونکە حەڕامە دوو خوشک پێکەوە خێزانی یەک پیاو بن لە یەک کاتدا، بەلام لەگەل ئەوەش حەڕامە سەیری خوشکی خێزانی خۆت بکەیت و لەگەلی بمێنیتەوە بەتەنیا و وە تەوقەی لەگەل بکەیت.  

زانایانی اللجنة الدائمة دەلێن: (ھاوسەری خوشک مەحرەم نییە بۆ ئافرەت، بە بێگانە حساب دەکرێت بۆی، دروست نییە ڕوخساری خۆی بۆ دەربخات، و تەوقەی لەگەڵ مەکە و بەتەنیا لەگەلی مەبە و سەفەریش لەگەلی مەکە، وەک پیاوی بێگانە وایە، بەلام ئەگەر لەگەلی دانیشتی لەگەل ئامادە بوونی مەحرەمی تر ئەوە دروستە ئەگەر خۆتی لێ داپۆشی) اللجنة الدائمة (۱۷/٤۲۰).

ابن عثیمین ڕەحمەتی خوای لێ بێت پرسیاری لێ دەکرێت: ئافرەتێک لە ماڵی خوشکی خۆی دەبێت خوشکی شووی کردووە بەلام خۆی داناپۆشێت لە ھاوسەری خوشکی وە دەلێت: ئەو پیاوە بۆ من حەڕامە بۆ ماوەیەکی کاتی وەلامی ئێوە چییە؟ 

وەلام: (ئەم ئافرەتە شوبهەیەکی لە لایە ئەویش ئەوەیە دروست نییە بۆ ھاوسەری خوشکی ئەو مارە بکات هەتا خوشکی لەگەلە، ئەو حەڕامە لەسەر ھاوسەری خوشکی بۆ ماوەیەکی کاتی نەک بۆ هەتا هەتایی، بەلام تێگەیشتی ئەم ئافرەتە هەلەیە چونکە مەحرەمی کاتی بە مەرەحەم حیساب ناکرێن ....) فتاوی ابن عثیمین (۲/۸۷۷).

ابن باز ڕەحمەتی خوای لێ بێت دەفەرمووێت: (فەرموودەی ڕاست لە پێغەمبەرە هاتووە درود و سەلامی خوای لێ بێت دەفەرموێت: "ئافرەت با سەفەر نەکات ئیلا لەگەڵ مەحرەم نەبێت" ھاوسەری خوشک مەحرەم نییە بەلکو مەحرەمە بۆ ژنی خۆی، ......) مجموعە فتاوی ابن باز.

زانایان دەلێن کور و کچی نامەحرەم نابێت قسە لەگەڵ یەکتر بکەن چونکە سەر دەکێشیت بۆ فیتنە، دەبێت موسلمان خۆی لێی بپاڕێزێت ئیلا لەم دووحالەتە نەبێت:

حالەتی یەکەم: ئەگەر قسەکردنە سوودی بۆ دین هەبێت دروستە، وەک پرسیار کردن یان بانگەوازی کردن ئەگەر ترسی ئەوەی نەبێت تووشی فیتنە بێت. 

حالەتی دووەم: ئەگەر سوودێکی ڕێگە پێدراوی هەبێت بۆ دونیا. 

بەلام زانایان دەلێن لەم دوو حالەتەش دەڵێن: 

(۱) دەبێت قسە بکەیت بە پێی پێویست، نابێت درێژەی پێ بدەیت. 

(۲) نابێت ئەو قسانە بکات ئاماژە بۆ خۆشەویستی بکات یان ورژاندنی ئارەزوو. 

(۳) دەبێت خۆی بەدوور بگرێت لە گاڵتەکردن و پێکەنین. 

(٤) دەبێت دەنگی خۆیان ناسک نەکەن و کار لەیەکتر بکەن بەتایبەتی ئافرەت. 

سوعبەت نەکرێت باشترە، واللە ٲعلم.