دەقی وەڵام:

وەڵام: زانایان دەڵێن ھەر کەسێک نەتوانێت ئاو بەکار بھێنێت لەبەر ساردی ئاو یان نەخۆشی، وە وەسائیلی گەرم کردنەوەی ئاوی نەبێت، ئەوە دروستە تەیەمموم بکات بە یەک دەنگی ھەر چوار مەزھەبەکان، بەڵگە:

(١) خوای گەورە دەفەرمووێت: (فَلَمْ تَجِدُوا مَاءً فَتَيَمَّمُوا صَعِيدًا طَيِّبًا)[النساء: ٤٣].

(٢) خوای گەورە دەفەرمووێت: (وَمَا جَعَلَ عَلَيْكُمْ فِي الدِّينِ مِنْ حَرَجٍ) [الحج: ٧٨].

(٣) خوای گەورە دەفەرمووێت: (وَلَا تَقْتُلُوا أَنفُسَكُمْ) [النساء: ٢٩].

(٤) خوای گەورە دەفەرمووێت: (وَلَا تُلْقُوا بِأَيْدِيكُمْ إِلَى التَّهْلُكَةِ) [البقرة: ١٩٥].

ابن قدامة ڕەحمەتی خوای لێ بێت دەفەرمووێت: (ئەگەر ترسا لەبەر زۆر ساردی ئاوی، وە توانای گەرم کردنی ئاوی ھەبوو، یان توانای بەکارھێنانی ھەبوو بێ ئەوەی زیانی بەربکەوێت، ئەوە دەبێت ئاو بەکاربھێنێت، ئەگەر نەیتوانی ئاو گەرم بکات، وە نەش توانێ ئاوی سارد بەکار بھێنێ، لەم حالەتە تەیەمموم دەکات لەسەر وتەی زۆربەی زانایان.) المغنی (١٩٢/١).

ابن باز ڕەحمەتی خوای لێ بێت دەفەرمووێت: (ئەگەر تۆ بتوانی ئاو گەرم بکەی، یان بتوانی ئاوی سارد بەکاربھێنی، یان ئاو بکڕیت لە دراوسێکەت، یان ئاوی بکڕیت کەسانی تر، ئەوە واجبە کردەوە بەمە بکەیت، چونکە خوای گەورە دەفەرمووێت: "فاتَّقوا الله ما استَطَعْتُم"، بەڵام ئەگەر ئاو زۆر سارد بوو، وە نەتوانی گەرم بکەیت و بەکارھێنانی ئاوی سارد زیانت پێ بگەیەنێت، وە بۆت نەگونجا ئاو بکڕیت، لەم حالەتە عوزرت ھەیە و تەیەمموم کردن بەسە، لەبەر وتەی خوای گەورە دەفەرمووێت: "فاتَّقوا الله ما استَطَعْتُم".

خوای گەورە دەفەرمووێت: "فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ".

ئەوەی ناتوانێی ئاو بەکاربھێنێ حوکمەکەی وەک حوکمی ئەو کەسەیە کە ئاوی دەست ناکەوێت.) "مجموع فتاوى ابن باز" (١٠ /١٩٩-٢٠٠).