سەردێری پرسیار:ئایا دروستە ئافرەت نوێژ بە قات و بێجامەوە بکات لە مالەوە؟

بەرواری دانان :2019-12-09 کۆدی پرسیار:1651

پرسیار:

پرسیار: ئایا دروستە ئافرەت نوێژ بە قات و بێجامەوە بکات لە مالەوە؟

دەقی وەڵام:



وەڵام: زانایان دەڵێن خوای گەورە فەرمانی کردووە بە خۆ پۆشتەکردن و جل و بەرگی جوان لەبەر کردن بۆ نوێژ.

خوای گەورە دەفەرمووێت دەفەرمووێت: (يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) [الأعراف:٣١].

ئیمام النووي ڕەحمەتی خوای لێ بێت دەفەرمووێت: (ئەگەر ڕەنگ داپۆشێت، وە وەسفی قەبارەی پێستی بکات،وەک: ئەژنۆ و پشتەوە و شتی تری وەک ئەمانە، ئەوە نوێژی دروستە لەبەر داپۆشینی عەورەت، لە دارمی و خاوەنی البیان ڕوویەک نقل کراوە نوێژی دروست نییە ئەگەر قەبارەی بەدیار بکەوێت، ئەوەی دیار بێت ئەمە ھەڵەیە) المجموع (١٧٦/٣).

ابن قدامة ڕەحمەتی خوای لێ بێت دەفەرمووێت: (ئەگەر پێست دابپۆشێت و قەبارەی دیار بێت نوێژی دروستە، چونکە ئەمەیان ناتوانی خۆتی لێ بپارێزی) المغنی (٢٨٧/٢).

ابن باز پرسیار لێیکراوە: ئەگەر ئافرەت نوێژی کرد لە مالەوە بە تەنیا، ئایا نوێژی دروستە ئەگەر جل و بەرگی تەسک بوو؟

لە وەڵام دا دەفەرمووێت: ( ئەگەر جل و بەرگ عەورەتی داپۆشی بێت ھیچی تێدا نییە، بەڵام باشتر وایە و سونەت وایە جل و بەرگ مام ناوەند بێت نەک تەسک نە زۆر فراوان، بەڵکو لەنێوان ھەردووکیان بێت، بەڵام ئەگەر نوێژی کرد بە جل و بەرگی تەسک، وە ھەموو لاشەی داپۆشی تەنھا ڕوخسار و ھەردوو دەست نەبێت ئەوە نوێژی دروستە) نور علی الدرب.

بەڵام ئەگەر ئافرەت نوێژی بە جل و بەرگی تەسکەوە بکات لە لای پیاوی بێگانە تاوانبار دەبێت.

——————————————————

لیستی بەشەکانی پرسیار و وەڵام