سەردێری پرسیار:حوکمی زێڕ بە قەرز وەرگرتن ، نەک کڕین و فڕۆشتنی زێڕ بە قەرز ؟

بەرواری دانان :2019-07-27 کۆدی پرسیار:1332

پرسیار:

پرسیار : حوکمی زێڕ بە قەرز وەرگرتن ، نەک کڕین و فڕۆشتنی زێڕ بە قەرز ؟

دەقی وەڵام:



وەڵام : زانایان دەڵێن دروستە زێڕ و ھەر شتێکی تری ڕیبەوی بە قەرز وەربگریت ، پاشان ھەمان وەزن یان ژمارە بۆی ببیتەوە ، چونکە :

(١) ئەو بەڵگانەی ھاتوون دەبێت دەست بە دەست بێت باسی کڕین و فرۆشتنە ، باسی قەرزی نەکردووە .

(٢) قەرز شت بە خەڵک دانە و چاکە لەگەڵ کردنە ، پێچەوانەی کڕین و فرۆشتن .

(٣) خەڵک لەسەردەمی پێغەمبەر درود و سەلامی خوای لێ بێت دینار و درھەم و گەنم و جۆیان بە قەرز لە یەکتر وەردەگرت ، پاشان بۆ یەکتریان دەبردەوە ، ھەتا ئێستا ئەمە بەردەوامە .

ابن القطان ڕەحمەتی خوای لێ بێت دەفەرمووێت : (( ھەموو زانایان یەک دەنگن بە قەرز وەرگرتنی دینار و درھەم و گەنم و جۆ و خۆرما و زێڕ دروستە ، وە ھەموو خواردنێکی تری لەم جۆرە کیل و وەزنی ھەبێت . )) " الإقناع في مسائل الإجماع" لاپەڕە ١٩٧ .

——————————————————————————

Www.ferdaws.net

لیستی بەشەکانی پرسیار و وەڵام