دەقی وەڵام:

وەڵام : زانایان دەڵێن ئەگەر وەلی ھەتیو مەسروفی ھەتیو بکات بە مالی خۆی ، وە مالی ھەتیو ھەڵبگرێت بۆکاتی تەنگانە ، ئەوە ئەم دوو حالەتەیە :

یەکەم : ئەگەر نییەتی وابێ لە ڕێگای خوا مەسروفی ھەتیو بکات ، وە ئەو مالەی لێی مەسرف کردووە لێی وەرنەگرێتەوە ڕۆژێک لە ڕۆژان ، ئەوە لەم حالەتە دروست نییە مالی ھەتیو ببەیت .

دووەم : ئەگەر نییەتی وابێ ئەو مالەی خۆی کە لەھەتیو مەسروف دەکات ئەگەر پێویستی پێی بوو ڕۆژێک لێی وەردەگرێتەوە ، لەم حالەتە دروستە بەڵام ئەو پارە لە ھەتیو وەردەگرێتەوە زیاتر نەبێ لەو مەسروفەی کە لە ھەتیوی کردووە .

زانایان دەڵێن ئەگەر وەلی ھەتیو پێویستی بە مالی ھەتیو بوو بەرامبەر بە چاودێری کردن و سەرپەرشتی کردنی ، ئەوە بۆی ھەیە مالی بخوات ، بەڵگە :

خوای گەورە دەفەرمووێت : (( وَمَنْ كَانَ غَنِيًّا فَلْيَسْتَعْفِفْ وَمَنْ كَانَ فَقِيرًا فَلْيَأْكُلْ بِالْمَعْرُوفِ )) [ النساء : ٦ ] .

حجاوي ڕەحمەتی خوای لێ بێت دەفەرمووێت : (( وەلی ھەتیو ئەگەر ھەژار بێ دەخوات لە مالی ھەتیو کەمتر لە چاودێری کردنەکەی یان کرێیەکەی )) .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net